UzAuto Motors kompaniyasi Kengashi kompaniyaning yangi bosh direktori etib Yanos Kovacsni tayinlaganini e’lon qildi. Bu haqda kompaniyaning matbuot xizmati xabar berdi.
Vengriya fuqarosi janob Kovacs Budapesht Texnologiya va Iqtisodiyot Universitetining Avtomobilsozlik muhandisligi boʻyicha diplomiga ega.
Jahon avtomobilsozlik sanoatining yetakchi rahbari Kovacs General Motors, Opel, GM Powertrain Uzbekistan, UzAuto Peugeot Citroën Automotive va VinFast Automotive kabi kompaniyalardagi muhim rahbarlik lavozimlaridagi keng tajribaga ega.
Uning mutaxassisligi sifat menejmenti, ishlab chiqarish jarayonlarini optimallashtirish va avtomobil zavodlarini boshqarishni oʻz ichiga oladi.
2021 yildan beri Yanos Kovacs UzAuto Motors Kengashida va kompaniyaning Audit qoʻmitasi a’zosi sifatida faoliyat yuritmoqda.