O’zbekiston Respublikasi Prezidenti Shavkat Mirziyoyev Turkmaniston xalqining Milliy Lideri, Turkmaniston Xalq Maslahati Raisi Gurbanguli Berdimuhamedovning taklifiga binoan 22-avgust kuni «Ozarbayjon – Turkmaniston – O’zbekiston» formatidagi uch tomonlama sammitda ishtirok etish uchun Turkmanistonga ishchi tashrif bilan boradi, deb xabar beradi Prezident matbuot xizmati .
«Avaza» milliy sayyohlik zonasida bo’lib o’tadigan tadbir kun tartibiga muvofiq, ko’p tomonlama hamkorlikni rivojlantirish va chuqurlashtirish, birinchi navbatda savdo, iqtisodiy, transport, kommunikatsiya, energetika va gumanitar sohalarda masalalari ko’rib chiqiladi. Bir qator qo’shma hujjatlar imzolanishi rejalashtirilgan.
Davlatimiz rahbari sammit doirasida ikki tomonlama muzokaralar ham o’tkazadi.