6-iyul kuni Prezident Shavkat Mirziyoyev Qozogʻiston Respublikasining Birinchi Prezidenti Nursulton Nazarboyev bilan telefon orqali muloqot qildi. Bu haqda Prezident matbuot xizmati xabar berdi.
Davlatimiz rahbari Nursulton Nazarboyevni tavallud kuni bilan samimiy tabriklab, unga sihat-salomatlik, farovonlik va muvaffaqiyatlar tiladi.
Oʻzbek-qozoq doʻstlik, yaxshi qoʻshnichilik, strategik sheriklik va ittifoqchilik munosabatlarining hozirgi darajasi, shuningdek, barcha sohalarda koʻp qirrali hamkorlikning jadal rivojlanishidan chuqur mamnunlik bildirildi.
Nursulton Nazarboyev 85 yoshni qarshi oldi.