Bugun, 14-iyul kuni prezident farmoni bilan bir qator tayinlovlar amalga oshirildi. Bu haqda prezident matbuot xizmati xabar bermoqda.
Xususan:
Kamilov Abdulaziz Xafizovich Oʻzbekiston Respublikasi Prezidentining tashqi siyosat masalalari boʻyicha maslahatchisi etib tayinlandi va shu munosabat bilan Oʻzbekiston Respublikasi Prezidentining tashqi siyosat boʻyicha maxsus vakili lavozimidan ozod etildi.
Mirzayev Gʻofurjon Gʻaniyevich Oʻzbekiston Respublikasi Prezidentining kadrlar masalalari boʻyicha maslahatchisi etib tayinlandi va shu munosabat bilan Oʻzbekiston Respublikasi Prezidentining kadrlar siyosati masalalari boʻyicha maslahatchisi – Oʻzbekiston Respublikasi Prezidenti huzuridagi Davlat xizmatini rivojlantirish agentligi direktori lavozimidan ozod etildi.
Gʻulomov Ravshan Ayubovich Oʻzbekiston Respublikasi Prezidentining iqtisodiy siyosat masalalari boʻyicha maslahatchisi etib tayinlandi va shu munosabat bilan Oʻzbekiston Respublikasi Prezidentining iqtisodiy rivojlanish masalalari boʻyicha maslahatchisi lavozimidan ozod etildi.
Umurzoqov Sardor Uktamovich Oʻzbekiston Respublikasi Prezidentining strategik rivojlanish masalalari boʻyicha maslahatchisi etib tayinlandi va shu munosabat bilan Oʻzbekiston Respublikasi Prezidentining alohida topshiriqlar boʻyicha maslahatchisi lavozimidan ozod etildi.
Olloyorov Mansurbek Polvonzoda Oʻzbekiston Respublikasi Prezidentining ijtimoiy himoya masalalari boʻyicha maslahatchisi – Milliy ijtimoiy himoya agentligi direktori etib tayinlandi va shu munosabat bilan Oʻzbekiston Respublikasi Prezidentining ijtimoiy himoya masalalari boʻyicha maslahatchisi – Milliy ijtimoiy himoya agentligi direktori lavozimidan ozod etildi.
Davletov Ruslanbek Kuroltayevich Oʻzbekiston Respublikasi Prezidentining vakillik organlari, nodavlat notijorat tashkilotlari, din va yoshlar masalalari boʻyicha maslahatchisi etib tayinlandi va shu munosabat bilan Oʻzbekiston Respublikasi Prezidentining ijtimoiy-siyosiy, diniy-maʼrifiy va yoshlar masalalari boʻyicha maslahatchisi lavozimidan ozod etildi.