Samarqanddagi bir koʻcha Rim shahri nomi bilan nomlandi, deb xabar beradi Prezident matbuot xizmati xabarida.
Xalqaro Kongress markazida oʻtkazilgan yuqori darajadagi oʻzbek-italyan muzokaralari yakunida Samarqanddagi bir koʻchaning Rim shahri nomi bilan rasman nomlanishi marosimi boʻlib oʻtdi.
Prezident Shavkat Mirziyoyev taʼkidlaganidek, bu qaror chuqur tarixiy va madaniy aloqalarni, hozirgi yuqori darajadagi strategik sheriklikni aks ettiradi va Oʻzbekiston va Italiya xalqlari oʻrtasidagi doʻstlik va oʻzaro hurmat ramzi boʻlib xizmat qiladi.