Oʻzbekiston Respublikasi Tashqi ishlar vaziri Baxtiyor Saidov Islom dunyosi taʼlim, fan va madaniyat tashkiloti (ICESCO) bosh direktori Salim bin Muhammad Al-Malik bilan uchrashdi.
Uchrashuvda mavjud hamkorlikni kengaytirish masalalari muhokama qilindi.
“Biz ICESCOning istiqbolli tashabbuslarini, jumladan, Samarqandning 2025-yilda Islom dunyosining madaniy poytaxti sifatida eʼlon qilinishini qutlaymiz”, deb taʼkidladi Baxtiyor Saidov.
Bundan tashqari, Oʻzbekiston hukumati va ICESCO oʻrtasida yaqin kelajakda hamkorlikni chuqurlashtirish va istiqbolli qoʻshma loyihalarni amalga oshirish boʻyicha asosiy ustuvor yoʻnalishlarni belgilab beruvchi qoʻshma Harakatlar rejasi imzolandi.