Oʻzbekiston Respublikasi Prezidenti Administratsiyasi rahbari Saida Mirziyoyeva Shavkat Mirziyoyevni tugʻilgan kuni bilan tabrikladi.
«Aziz Otajonim! Siz men uchun bu dunyodagi eng muhim insonsiz. Siz doim meni oʻz namunaingiz bilan tarbiyaladingiz, har kuni donolik va kuch bilan nurlanasiz, yuragingizning cheksiz mehribonligi bilan ajoyib tarzda uygʻunlashgansiz.
Siz nafaqat mening otamsiz, balki butun bir millatning otasisiz. Bilaman, siz uchun hayotda eng muhimi biz emas, hatto oʻzingiz ham emas. Siz oʻz yurtingiz va uning xalqi uchun yashaysiz. Va ularning farovonligi uchun siz hatto hayotingizni ham berishga tayyorsiz.
Sizning sevgingizning kuchiga, xizmatingizning chuqurligiga qoyil qolaman, barcha qiyinchiliklarni yengishingizdagi qatʼiyatingiz oldida bosh egaman.
Ollohdan faqat bir narsani soʻrayman, sizni asrasin. Barchamiz uchun,» – deb yozdi Mirziyoyeva.
Bugun, 24-iyul kuni Shavkat Mirziyoyev 68 yoshga toʻldi. Shu munosabat bilan davlat rahbari xorijiy davlatlar, hukumatlar, parlamentlar rahbarlari, nufuzli xalqaro tashkilotlar, yetakchi xorijiy kompaniyalar, taniqli jamoat, din va sport arboblari, shuningdek, yurtimizning barcha hududlari va xorijdagi vatandoshlarimizdan samimiy tabriklar oldi.