Бугун, 23 июнь куни Самарқанд шаҳрида БМТ Давлат хизмати форуми бошланди. Президент Мирзиёев маслаҳатчиси Саида Мирзиёева форум иштирокчиларига Ўзбекистон президенти номидан салом йўллади.
“Жаҳон тез ўзгариб бормоқда ва Ўзбекистонда биз бу муаммоларга фаол ислоҳотлар билан жавоб бермоқдамиз: рақамли давлат қуриш, иқтидорларга инвестиция киритиш ва имкониятларни кенгайтириш – хусусан, ҳозирда давлат бошқарувида учдан бир қисмини ташкил этувчи аёллар учун.
Глобал билим маркази каби ташаббусларимизга бўлган ишончингиз учун халқаро шерикларимизга миннатдорчилик билдираман”, деб таъкидлади Мирзиёева.
Президент маслаҳатчиси фақатгина ҳамкорликдаги саъй-ҳаракатлар ва ёш лидерларни қўллаб-қувватлаш орқали халқ ва унинг келажагига ҳақиқатан ҳам бағишланган давлат хизматини яратиш мумкинлигини таъкидлади.