This video can not be played
Putintseva tomoshabinni olib tashlashni so’radi
Dunyo reytingida 33-oʻrindagi Yuliya Putintseva “Uimbldon”ning birinchi bosqichidagi oʻyinida tomoshabinga nisbatan xavotir bildirib, uni maydondan chiqarib yuborishni soʻradi.
15-kortda Amanda Anisimovaga qarshi oʻyinining boshida 30 yoshli sportchi toʻgʻridan-toʻgʻri hakamga murojaat qilib, tomoshabinni «aqldan ozgan» va «xavfli» deb ta’rifladi.
“Uimbldon” matbuot kotibi bu masala joyida xodimlar tomonidan “hal qilinganini” tasdiqladi.
Birinchi setda 3:0 hisobida ortda qolayotgan vaqtda, Qozogʻiston vakili Putintseva dastlab oʻzining noqulayligini bildirdi.
«Iltimos, uni olib keting. U ketmaguncha o’ynashni davom ettirmayman. Bu odamlar xavfli, ular aqldan ozgan», dedi u.
Shundan so’ng u olomonning bir qismiga ishora qilib, shaxsning yashil kiyimda ekanligini ta’kidladi.
Keyin hakam kortga tushib, xavfsizlik xizmatining uch nafar xodimi bilan suhbatlashdi.
O’yin davom ettirilishi haqida xabar berilgach, Putintseva xavfsizlik xodimlari tomonidan masala hal qilinmaguncha buni qilishni istamasligini yana bir bor ta’kidladi.
«Uni olib tashlang, chunki unda pichoq bo’lishi mumkin», dedi u.
Putintseva o’yin davomida sezilarli darajada hissiyotga berildi va oxir-oqibat atigi 45 daqiqada 6:0, 6:0 hisobida mag’lub bo’ldi.
U o’yindan keyin ommaviy axborot vositalari bilan muloqot qilmadi.
Butun Angliya maysazor tennisi klubi (AELTC) vakili BBC Sportga shunday dedi: «15-kortdagi o’yinda tomoshabinning xatti-harakatlari haqidagi shikoyatdan so’ng, hakam xavfsizlik xizmatiga xabar berdi va masala hal qilindi.»
Anisimova BBCga bergan izohlarida, tomoshabin «[Putintseva] to’pni tepmoqchi bo’lganida» izoh berganini aytdi va «Biz himoyalanganimizga aminman» deya qo’shimcha qildi.
Avvalroq, AELTC bosh direktori Salli Bolton xavfsizlik masalasiga to’xtalib, shunday dedi: «Biz o’yinchilar bu erda yaxshi qarovda ekanliklariga ishonch hosil qilishlari uchun qo’llanilishi kerak bo’lgan choralarni yaxshi bilamiz.»
Jonli ballar, natijalar va o’yin tartibi
To’g’ridan-to’g’ri telefoningizga yuborilgan tennis yangiliklarini oling