Eron va Isroil oʻrtasidagi keskinlik kuchayganidan keyin Tehrondan chiqib ketishga majbur boʻlgan oʻn ikki nafar rossiyalik olimlar Boku orqali Moskvaga qaytishdi.
Bu haqda Trend axborot agentligi A.M. Gorchakov nomidagi jamoatchilik diplomatiyasi jamgʻarmasi matbuot kotibi Alena Isakova soʻzlariga tayanib xabar berdi.
“Bugun 12-14 iyun kunlari Tehronda boʻlib oʻtgan “BRICS taʼlim ekspeditsiyasi”da ishtirok etgan Jamgʻarma delegatsiyasi aʼzolari Boku orqali Moskvaga yetib kelishdi. Ularning qaytishi Jamgʻarma tomonidan muvofiqlashtirildi”, dedi Isakova.