Oʻzbekiston Prezidentining maslahatchisi Saida Mirziyoyeva Yevropa Ittifoqining Markaziy Osiyo boʻyicha maxsus vakili Eduardas Stipraitis bilan uchrashdi. Bu haqda uning Telegram kanalida xabar berildi.
“Oʻzbekiston va Yevropa Ittifoqi oʻrtasidagi hamkorlikni chuqurlashtirish, shuningdek, Markaziy Osiyo mintaqasi doirasidagi oʻzaro ta’sir imkoniyatlarini ochiq muhokama qildik”, deb yozgan Mirziyoyeva.
Uchrashuvda, xabar qilinishicha, ayollar tadbirkorligi va ta’limini qoʻllab-quvvatlash tashabbuslari, shuningdek, suv resurslarini boshqarish masalalari va mintaqalararo aloqalar muhokama qilingan.
“Janob Stipraitisning mintaqadagi professional tajribasi sherikligimizni yanada mustahkamlashga hissa qoʻshishiga ishonamiz. Konstruktiv va ochiq muloqot uchun minnatdormiz”, deb yakunlagan prezident maslahatchisi.