Prezident «Hayvonlarni identifikatsiya qilish, ro’yxatga olish va hisobini yuritish to’g’risida»gi qonunni imzoladi.
Qonunga ko’ra, O’zbekiston Respublikasi hududida jismoniy yoki yuridik shaxslar tomonidan saqlanayotgan va/yoki ko’paytirilayotgan hayvonlar belgilangan tartibda majburiy identifikatsiya va ro’yxatga olinishi kerak. Veterinariya va chorvachilikni rivojlantirish qo’mitasi bu sohada vakolatli davlat organi etib belgilangan.
Qonunda hayvonlarni identifikatsiya qilish va ro’yxatga olish uchun quyidagi muddatlar belgilangan:
Shunisi e’tiborliki, hayvonlar yuqorida ko’rsatilgan muddatlar tugaganidan keyin bir oydan kechiktirmay identifikatsiya qilinishi va ro’yxatga olinishi kerak.
O’zbekistonga saqlash va/yoki ko’paytirish maqsadida olib kelingan hayvonlar import qilingan kundan boshlab 21 kundan kechiktirmay identifikatsiya qilinishi kerak.
Hayvonlarga individual raqam beriladi, bu raqam quloq yorlig’iga (qoramol va mayda shoxli mol, tuya va cho’chqalar uchun), tamg’a (ot va eshaklar uchun), shuningdek, token (it va mushuklar uchun) qo’yiladi.
Prezidentning 2020 yildagi ««Raqamli O’zbekiston – 2030» strategiyasini tasdiqlash va uni samarali amalga oshirish chora-tadbirlari to’g’risida»gi Farmoniga muvofiq, mamlakatda barcha hayvonlarni (jumladan, qoramol va mayda shoxli mol, cho’chqa, ot, eshak, tuya, it va mushuk) bosqichma-bosqich identifikatsiya qilish va ma’lumotlarni yagona elektron axborot tizimiga kiritish rejalashtirilgan.