Тошкентда 10 ойлик бола нон ва картошка фрисини истеъмол қилганидан сўнг, ичагининг бир қисмини олиш учун операция қилинди. Бу ҳақда “Миллар” дастурида хабар берилди.
Хабарда айтилишича, Тошкентга олис ҳудуддан келаётган аёл йўл-йўлакай нон ва картошка фриси сотиб олган. Боласи йиғлаб, безовта бўлгани учун у нонни чайнаб, 10 ойлик боласига берган. Кўп ўтмай, боланинг аҳволи ёмонлашган.
Тошкентдаги шифохона шифокорининг айтишича, чақалоқ такрорий қусиш, ичакдан қон кетиши, қорин дам бўлиши ва доимий оғриқдан шикоят қилиб шифохонага ётқизилган. Ичак гангренаси кўп босқичли жарроҳлик амалиётини талаб қилган. Биринчи босқичда зарарланган ичак қисми резекция қилинган ва колостома яратилган.
Болага олти ой давомида колостома керак бўлади. Бу муддатдан кейин ичакни қайта тиклаш учун иккинчи операция режалаштирилган. Шунгача бола махсус парҳез билан таъминланади.