Oʻzbekistonda 20-iyuldan boshlab shaxsiy foydalanish uchun tovarlarni boj toʻlamasdan olib kirish uchun fuqarolar xorijda belgilangan muddatni oʻtkazgan boʻlishi talab etiladi. Davlat bojxona qoʻmitasi ushbu qoidalarning amalga oshirilishini e’lon qildi.
Hukumat qaroriga koʻra, jismoniy shaxslar tomonidan shaxsiy, tijorat maqsadlarida boʻlmagan foydalanish uchun moʻljallangan tovarlarni boj toʻlamasdan olib kirish limitlari 2025-yil 1-maydan kuchga kiritilgan.
Xususan:
Yangi qoidalarga koʻra:
Belgilangan muddatga rioya qilmaslik boj toʻlash imtiyozlaridan mahrum boʻlishga olib keladi, bunda tovarlarning umumiy qiymatiga yagona bojxona toʻlovi undiriladi.
Tovarlarning bojxona qiymati cheklar, hisob-fakturalar yoki boshqa tijorat hujjatlari asosida aniqlanadi. Bunday hujjatlar boʻlmagan taqdirda, baholash avval import qilingan shunga oʻxshash tovarlar bazalariga asoslanadi.
Aprel oyida Bojxona qoʻmitasi vakili Xusan Tangriev shaxsiy yuk niqobi ostida, ayniqsa, havo transporti orqali tovarlar import qilinishi holatlari koʻpayganini maʼlum qilgan edi. Oʻsha paytda faqatgina Toshkent aeroportida 500 dan ortiq shunday holat qayd etilgan, respublika boʻyicha esa 10 000 dan ortiq holat aniqlangan.
U ayrim fuqarolar boj toʻlamasdan olib kirish imkoniyatidan daromad manbai sifatida foydalanayotgani, ketma-ket 90 kungacha har kuni xorijga uchib borayotganini taʼkidladi. Odatda import qilinadigan tovarlar qatoriga kiyim-kechak, farmatsevtika mahsulotlari, atirlar, zargarlik buyumlari, maishiy texnika va tamaki mahsulotlari kiradi.