Ichki ishlar vazirligi avtomobillarning old va orqa oynalarini yozgi mavsumda qisqa muddatga tonirovka qilish uchun alohida tarifni joriy etishni taklif qiluvchi qonun loyihasini jamoatchilik muhokamasiga taqdim etdi.
Loyiha Vazirlar Mahkamasining «Oynalari tonlangan (qoraytirilgan) transport vositalaridan foydalanishni tartibga solish chora-tadbirlari toʻgʻrisida»gi qaroriga oʻzgartirishlar kiritishni taklif qiladi.
Kiritilayotgan oʻzgartirishlarga koʻra, M1 toifadagi (yengil avtomobillar) transport vositalarining orqa va old yon oynalarini tonirovka qilish uchun 1-maydan 31-avgustgacha har yili beriladigan ruxsatnoma joriy etish rejalashtirilgan.
Jismoniy va yuridik shaxslar uchun ruxsatnoma narxi bir bazaviy hisoblash miqdori (412 000 soʻm) boʻladi. Oʻzbekistonda faoliyat yuritayotgan xorijiy davlatlarning yuridik shaxslari uchun toʻlov besh BHM (2,06 million soʻm) boʻladi. Roʻyxatdan oʻtgan sanasidan qatʼi nazar, qisqa muddatli ruxsatnoma uchun toʻlov toʻliq miqdorda undiriladi.
Orqa va old yon oynalarni tonirovka qilish uchun 1 yilga beriladigan ruxsatnoma narxi oʻzgarishsiz qoladi:
Ushbu qonun loyihasining muhokamasi 22-avgustgacha davom etadi.