BAKU/Trend/ – 27-iyun kuni Oʻzbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putin Minskda boʻlib oʻtgan Yevroosiyo Iqtisodiy Ittifoqi sammiti doirasida uchrashuv oʻtkazdilar, deb xabar beradi Trend.
Uchrashuvda ikki tomonlama hamkorlikning hozirgi holati va istiqbollari muhokama qilindi.
Oliy darajada erishilgan kelishuvlarni amaliyotga tatbiq etishga alohida eʼtibor qaratildi.
Oʻzaro savdo koʻrsatkichlari dinamikasini taʼminlash, ustuvor hamkorlik loyihalarini ilgari surish, hududlar oʻrtasida samarali aloqalarni saqlab qolish va madaniy-gumanitar almashinuvni jadallashtirish boʻyicha olib borilayotgan qoʻshma ishlar mamnuniyat bilan qayd etildi.