25 iyun kuni O‘zbekiston Respublikasi Prezidenti Shavkat Mirziyoyev va Mongoliya Prezidenti Uxnaagiyn Xurelsux rafiqalari bilan birgalikda «Ix Tenger» davlat majmuasi bog‘ida daraxt ekishdi. Bu haqda Prezident matbuot xizmati xabar berdi.
«Marosim ikki davlat xalqlari o‘rtasidagi yaqinlashuv va do‘stlikni mustahkamlash ramziga aylandi hamda O‘zbekiston-Mongoliya har tomonlama sheriklik munosabatlari rivojida yangi bosqich boshlanganini anglatadi», – deyiladi xabarda.
Yuqori darajadagi mehmonlarning tashrifi dasturi an’anaviy mongol o‘yinlari «Naadam»ni birgalikda tomosha qilish bilan davom etdi.
«Naadam» – bu an’anaviy mongol musobaqasi bo’lib, «uch erkak o’yini» sifatida ham tanilgan bo’lib, u mongol kurashi, ot poygasi va kamondan otishni o’z ichiga oladi. U butun mamlakat bo’ylab yoz o’rtasi festivali davomida o’tkaziladi.