Avazada boʻlib oʻtgan dengizga chiqish imkoniyati yoʻq rivojlanayotgan davlatlar boʻyicha uchinchi BMT konferensiyasi doirasida Oʻzbekiston Prezidenti Shavkat Mirziyoyev, turkman xalqining milliy yetakchisi, Xalq Maslahati Raisi Gurbanguli Berdimuhamedov va Ozarbayjon Bosh vaziri Ali Asadov oʻrtasida uch tomonlama uchrashuv boʻlib oʻtdi. Bu haqda davlatimiz rahbarining matbuot xizmati xabar berdi.
Oʻzaro manfaatli mintaqaviy hamkorlikni kengaytirish va qoʻshma loyihalarni ilgari surish masalalari muhokama qilindi.
Hamkorlik imkoniyatlari, birinchi navbatda, energetika, transport va logistika, sanoat va qishloq xoʻjaligi sohalarida qayd etildi.
Amaliy hamkorlik uchun istiqbolli loyihalarni ishlab chiqish maqsadida ushbu formatdagi aloqalarni davom ettirishga kelishib olindi.