Oʻzbekiston Sogʻliqni saqlash vazirligi issiq ob-havo sharoitlari tufayli allergik reaksiyalar ehtimoli haqida ogohlantirish eʼlon qildi.
Vazirlikning taʼkidlashicha, issiq kunlarda ultrabinafsha nurlanish darajasining yuqori boʻlishi teri kasalliklari va allergik reaksiyalarni keltirib chiqarishi mumkin.
Respublika ixtisoslashtirilgan allergologiya va klinik immunologiya ilmiy-amaliy tibbiyot markazi direktori Ilmira Razykovaning soʻzlariga koʻra, ultrabinafsha nurlar teridagi moddalar bilan oʻzaro taʼsirlashib, fotodermatit deb nomlanuvchi holatga olib kelishi mumkin.
Bu holat koʻkrak, boʻyin va qoʻllarda toshmalar, qizil dogʻlar, pufakchalar, qichishish va shishish kabi koʻrinishlarda namoyon boʻladi. Fotodermatit odatda quyosh taʼsiridan keyin bir necha soat ichida paydo boʻladi va bir haftagacha davom etishi mumkin. Oʻz vaqtida davolanish odatda asoratlar boʻlmagan holda holatni bartaraf etadi, ammo baʼzi hollarda u surunkali shaklga oʻtishi mumkin.
Mutaxassislar quyoshdan himoyalanish boʻyicha quyidagi choralarga rioya qilishni tavsiya qiladi:
Eritromitsin, tetratsiklin va streptomitsin kabi baʼzi dorilar ultrabinafsha nurlarini yutish xususiyatiga ega ekanligi taʼkidlangan. Ushbu dorilarni qabul qilayotgan bemorlarga issiq kunlarda quyosh nuridan saqlanish tavsiya etiladi.
Avvalroq, iqlimshunos Erkin Abdulahatov xabar bergan edi, Oʻzbekistonda yaqinda kuzatilgan issiq ob-havo aksariyat aholining uyqu tartibiga salbiy taʼsir koʻrsatmoqda.