Oʻzbekiston Prezidenti Qashqadaryo viloyatidan boʻlgan 115 yoshli Ikkinchi jahon urushi qatnashchisi Ruziboy Sattorovning koʻp yillik orzusini – harbiy samolyotda uchishni amalga oshirishga yordam berdi. Bu haqda Qashqadaryo viloyati hokimligi matbuot xizmati xabar berdi.
9-may – Xotira va qadrlash kuni arafasida viloyat hokimi Murodjon Azimov faxriy veterani Ruziboy Sattorovning uyiga tashrif buyurib, Prezident tabriklarini va pul mukofotini topshirdi.
Qamashin tumanidan boʻlgan faxriy, 115 yoshda boʻlib, urushning tirik qolgan eng keksa ishtirokchisi hisoblanadi.
10-may kuni harbiy va tibbiyot xodimlari hamrohligida Ruziboy Sattorov Prezident Shavkat Mirziyoyevning topshirigʻi bilan taqdim etilgan C-295 harbiy samolyotida parvoz qildi.