Oʻzbekiston Prezidentining koʻmagida Qashqadaryo viloyatidan boʻlgan 115 yoshli Ikkinchi jahon urushi qatnashchisi Ruzibboy Sattorovning koʻp yillik orzusi — harbiy samolyotda uchish amalga oshdi. Bu haqda Qashqadaryo viloyati hokimligi matbuot xizmati xabar berdi.
9-may – Xotira va qadrlash kuni arafasida, 8-may kuni viloyat hokimi Murodjon Azimov faxriy qariyani uyida Prezident tabrigi va pul mukofotini topshirdi.
Kamoliddin tumanidan boʻlgan faxriy, 115 yoshli veteran viloyatdagi eng qari urush qatnashchisi hisoblanadi.
10-may kuni Ruzibboy Sattorov harbiy va tibbiyot xodimlari hamrohligida Prezident Shavkat Mirziyoyevning topshirigʻi bilan C-295 harbiy samolyotida uchib, oʻz orzusini roʻyobga chiqardi.