Oʻzbekiston Tashqi ishlar vazirligi Eron Islom Respublikasiga qarshi Isroil harbiy operatsiyasi munosabati bilan, bu operatsiya oqibatida halok boʻlganlar va Yaqin Sharqda keskinlik kuchayganligi sababli jiddiy xavotirini bildirdi.
Vazirlik barcha tomonlarga oʻta ehtiyotkorlikka chaqirdi, harbiy harakatlarni darhol toʻxtatish va mojarolarni hal qilishning siyosiy va diplomatik usullariga oʻtish zarurligini taʼkidladi.
“Biz yanada kuchayib, keng koʻlamli toʻqnashuvga olib kelishi mumkin boʻlgan xavfni juda xavfli deb bilamiz”, deyiladi bayonotda.
TIV mintaqaviy barqarorlikni mustahkamlashga sodiqligini va mojaroni bartaraf etishga qaratilgan saʼy-harakatlarga hissa qoʻshishga tayyorligini qayta taʼkidladi.