O’zbekiston 2025-yilning birinchi yarmi uchun xalqaro xavfsizlik indeksida 148 ta davlat orasida 25-o’rinni egalladi. Reyting kunduzi va tun davomida xavfsizlik darajasi, shuningdek, o’g’irlik yoki hujum qurboni bo’lish xavotirlari bo’yicha foydalanuvchilar tomonidan taqdim etilgan so’rovlar asosida jinoyat va xavfsizlik indekslarini hisoblab chiquvchi Numbeo veb-sayti tomonidan tuzilgan.
Indekslar 0 dan 100 gacha bo’ladi, jinoyat indeksining pastroq ko’rsatkichlari xavfsizlikning yuqori ekanligini ko’rsatadi. O’zbekistonning jinoyat indeksi 26,6 ni tashkil etadi, bu esa past daraja sifatida tasniflanadi.
2025-yilning birinchi yarmida O’zbekiston xavfsizlik indeksi 73,4 bo’lgan Markaziy Osiyodagi eng xavfsiz davlat sifatida e’tirof etildi. Qozog’iston 54,4 ko’rsatkich bilan 73-o’rinda, Qirg’iziston esa 48 ko’rsatkich bilan 101-o’rinda joylashdi. Turkmaniston va Tojikiston reytingga kiritilmagan.
Gaiti jinoyat darajasi eng yuqori bo’lgan davlatlar ro’yxatida yetakchi o’rinni egalladi. Dastlabki beshlikka Papua-Yangi Gvineya (80,7), Venesuela (80,5), Afg’oniston (75,2) va Janubiy Afrika (74,6) ham kiritilgan. Rossiya va Ukraina mos ravishda 52 va 81-o’rinlarni egalladi.
Eng xavfsiz davlatlar sifatida BAA, Andorra va Qatar e’tirof etilgan.
Taqqoslash uchun, 2024-yilning birinchi yarmida O’zbekiston 71 xavfsizlik indeksi bilan 27-o’rinda edi.