Hindistonning yetakchi arzon aviakompaniyasi boʻlgan IndiGo Mumbay va Toshkent oʻrtasida toʻgʻridan-toʻgʻri reyslarni yoʻlga qoʻyishini eʼlon qildi. Bu haqda Oʻzbekiston aeroportlari xabar berdi.
2025-yil 1-avgustdan boshlab aviakompaniya Mumbay – Toshkent – Mumbay yoʻnalishi boʻyicha muntazam reyslarni amalga oshiradi.
Reyslar haftasiga toʻrt marta – dushanba, chorshanba, juma va yakshanba kunlari Airbus A320 samolyotlari orqali amalga oshiriladi.
Gurugramda shtab-kvartirasi joylashgan IndiGo Hindistonning eng yirik aviakompaniyasi boʻlib, u flot hajmi va ichki reyslar soni boʻyicha yetakchi hisoblanadi. Aviakompaniya 2023-yil sentyabr oyida Oʻzbekistonga muntazam reyslarni – Dehlidan Toshkentga va orqaga – yoʻlga qoʻygan edi.
Kompaniya Mumbayni (sobiq Bombay) Hindistonning moliyaviy markazi va dunyoning eng gavjum shaharlaridan biri sifatida taʼkidlaydi. Arab dengizi boʻyidagi Hindistonning gʻarbiy sohilida joylashgan boʻlib, u Bollywoodning yuragi va savdo, moda va koʻngilocharning yirik markazi hisoblanadi.