Misrning Sharm ash-Shayxi shahridan Toshkentga Gepatit S ni davolash uchun ishlatiladigan Sofosbuvir-400mg preparatining toʻrtinchi partiyasi yetib keldi, deb xabar beradi Dunyo axborot agentligi.
Oʻzbekistonning 2030-yilga qadar Gepatit S ni bartaraf etish boʻyicha Milliy dasturiga muvofiq, ushbu dorilar Sogʻliqni saqlash vazirligi Virusologiya ilmiy-tadqiqot institutida davolanayotgan bemorlarga taqsimlanadi.
Qohidagi Oʻzbekiston elchixonasi maʼlumotlariga koʻra, Misr hukumati 2023-2024 yillar davomida Gepatit S ni davolashda qoʻllaniladigan Daklatasvir va Sofosbuvir dorilarining 27 partiyasini, jami 12,4 tonnani Oʻzbekistonga yuborgan. Ushbu dorilarning umumiy qiymati 1,4 million AQSH dollarini tashkil etadi.
“Ekspertlarning bahosida Misr hukumati tomonidan taqdim etilgan Gepatit S ga qarshi dorilar milliy byudjetga sezilarli darajada tejashga hissa qoʻshadi. Ushbu tejash hisobidan aholini Gepatit S va boshqa yashirin viruslarga skrining qilishni kuchaytirish va 2030-yilga qadar bu kasallikni butunlay yoʻq qilish imkoniyati yaratiladi”, deyiladi bayonotda.