Oʻzbekiston Prezidenti Shavkat Mirziyoyev Qozogʻiston Prezidenti Qossim-Jomart Toqayevning taklifiga binoan “Markaziy Osiyo – Italiya” formatidagi yuqori darajadagi sammitda ishtirok etadi. Oʻzbekiston Prezidentining matbuot xizmati xabariga koʻra, sammit 30-may kuni Ostona shahrida boʻlib oʻtadi.
Sammitda mintaqa rahbarlari va Italiya Bosh vaziri ishtirok etadi.
Kun tartibi koʻp tomonlama hamkorlikni, xususan, yashil iqtisodiyot, investitsiyalar, innovatsiyalar, fan va taʼlim sohalarida kengaytirishga qaratilgan.
Jiorja Meloni dastlab 25-27 aprel kunlari Oʻzbekiston va Qozogʻistonga tashrif buyurishni rejalashtirgan edi, ammo Papa Fransiskning vafoti munosabati bilan bu safar qoldirildi. Italiya Bosh vaziri keyinchalik 28-29 may kunlari Samarqandga rasmiy tashrif bilan keldi.