ANKARA /Trend/ – Turkiyening Bingöl viloyatida ikkita zilzila ro‘y berdi.
Turkiyaning Favqulodda vaziyatlar va ofatlarni boshqarish prezidentligi (AFAD) ma’lumotiga tayanib Trend xabar berishicha, birinchi zilzila kuchliligi 4,4 ballni tashkil etgan. Uning epitsentri Qig‘i tumanidan 1,57 kilometr uzoqlikda, 7,02 kilometr chuqurlikda joylashgan.
Keyinchalik yana bir zilzila ro‘y berdi, uning kuchliligi Rixter shkalasi bo‘yicha 3,6 ballni tashkil etdi. Bu zilzilaning epitsentri ham Qig‘i tumani yaqinida, 11,13 kilometr chuqurlikda bo‘lgan.
Dastlabki xabarlarga ko‘ra, ikkala zilzila oqibatida ham zarar yoki jabrlanuvchilar yo‘q.