Toshkent viloyatining Buxoro tumanida 19 yoshli homilador ayol va tugʻilmagan bolasining oʻlimiga sabab boʻlgan akusher-ginekolog sud tomonidan hukm qilindi. Bu haqda Millar dasturi xabar berdi.
Hodisa 2024 yil noyabr oyida yuz bergan. Marhumning qarindoshlari ayolning oʻlimiga yuborilgan inʼyeksiya sabab boʻlganini daʼvo qilishgan.
Sud hujjatlarida oʻlim sababi sifatida dori-darmonlarga allergik reaksiya natijasida yuzaga kelgan anafilaktik shok va oʻtkir yurak-nafas yetishmovchiligi koʻrsatilgan. Bemorga inʼyeksiya yuborilishidan oldin toʻliq tekshiruv oʻtkazilmaganligi aniqlangan.
Sud jarayoni Buxoro tuman Jinoyat sudi tomonidan oʻtkazildi. Ayblanuvchi Oʻzbekiston Respublikasi Jinoyat kodeksining 116-moddasi 4-qismining “b” bandi (kasbiy majburiyatlarni loaqid bajarish) boʻyicha aybdor deb topildi. Unga 4 yil 6 oy muddatga ozodlikni cheklash jazosi tayinlandi va 3 yil davomida sogʻliqni saqlash tizimida shifokorlik faoliyati bilan shugʻullanishdan mahrum qilindi.