BOKU/Trend/ – Eron uranni boyitish bo’yicha qonuniy huquqini saqlab qoladi va bu faoliyatdan voz kechmoqchi emas.
Trend xabar berishicha, bu bayonotni Eronning Birlashgan Millatlar Tashkilotidagi doimiy vakili Amir Said Iravani bergan.
Uning so’zlariga ko’ra, uranni boyitish dasturi Yadro qurolini tarqatmaslik to’g’risidagi shartnoma qoidalariga mos keladi va Eronning ajralmas huquqidir.
«Biz bu huquqni amalga oshirmoqchimiz», – deb ta’kidladi Iravani.
Boyitish ishlarini qayta tiklash mumkinligi haqidagi savolga javob berar ekan, u shunday dedi: «Menimcha, bu jarayon hech qachon butunlay to’xtatilmaydi».