BAKU /Trend/ – NATO Bosh kotibi Mark Ruttening mustaqil davlatga hujum qilgan davlatga yo‘llagan tabrigi va bu hujumni «favqulodda» deb baholashi nafratomuz qadamdir.
Trend xabar berishicha, bu haqda Eron Tashqi ishlar vazirligi matbuot kotibi Ismoil Begai X ijtimoiy tarmog‘idagi postida ma’lum qilgan.
Uning so‘zlariga ko’ra, bunday hujumni qo’llab-quvvatlovchi tomon ushbu hujumning sherigi va yordamchisi hisoblanadi.
Eslatib o‘tamiz, 13-iyun kuni erta tongda Isroil Eron hududiga havo hujumlarini uyushtirdi, natijada ko‘plab harbiy xizmatchilar, jumladan, Eron Qurolli Kuchlari Bosh shtabi boshlig‘i Muhammad Bog‘eriy, Islom inqilobi qo‘riqchilari korpusi qo‘mondoni Husayn Salamiy, “Xotam al-Anbiya” shtabining ikki qo‘mondoni – G‘ulomali Rashid va Ali Shadmoniy, IRGC Havo kuchlari qo‘mondoni Amir Ali Hajizadeh, shuningdek, to‘qqiz nafar yadro olimi va boshqa shaxslar halok bo‘ldi.
Ushbu hujumlarga javoban Eron Tel-Aviv va Isroilning boshqa hududlariga 150 dan ortiq ballistik raketa va 100 dan ortiq dron uchirdi, natijada tinch aholi vakillari jabrlandi va katta vayronagarchiliklar yuzaga keldi.
22-iyun kuni AQSh Harbiy-havo kuchlari Eronning yadroviy obyektlariga hujum qildi. Ma’lum qilinishicha, havo hujumlari natijasida Eronning yadroviy obyektlari yo’q qilingan.
«Biz Eronning uchta yadroviy obyektiga, jumladan, Fordou, Natanz va Isfahon shaharlaridagi obyektlarga juda muvaffaqiyatli hujumimizni yakunladik. Barcha samolyotlar hozirda Eron havo hududidan tashqarida. Asosiy Fordou obyektiga to‘liq bomba yuklari tashlandi. Barcha samolyotlar uyga xavfsiz tarzda qaytmoqda», – deb yozdi AQSh prezidenti Donald Tramp ijtimoiy tarmoqda.
23-iyun oqshomida Eron Qatardagi AQSh harbiy bazasiga havo hujumlarini uyushtirdi.
24-iyun kuni AQSh prezidenti Donald Trampning vositachiligida tomonlar o‘rtasida vaqtinchalik sulh e’lon qilindi.
Bizni WhatsApp da kuzatib boring va eng so’ngi yangiliklardan xabardor bo’ling!