Oʻzbekiston Prezidenti Shavkat Mirziyoyevning taklifiga binoan Bolgariya Respublikasi Prezidenti Rumen Radev 9-11 iyun kunlari Oʻzbekistonga rasmiy tashrif bilan keladi. Bu haqda Oʻzbekiston davlat rahbarining matbuot xizmati ma’lum qildi.
Tashrif dasturiga ikki davlat rahbarining ikki tomonlama muzokaralari, rasmiy va biznes tadbirlari hamda bir qator hujjatlarni imzolash kiradi.
Oʻzbekiston va Bolgariya Prezidentlari oʻzaro manfaatli munosabatlarni yanada rivojlantirish, jumladan, savdo hajmini oshirish, agrosanoat majmuasi, farmatsevtika, qazib olish sohasida hamkorlikni yoʻlga qoʻyish, raqamlashtirish, turizm va madaniy almashinuvni kengaytirish masalalarini muhokama qiladilar.
Prezident Radev IV Toshkent xalqaro investitsiya forumida ham ishtirok etadi.