Zamin jamgʻarmasi xabariga koʻra, Toshkentda Jahon yoshlar festivali boshlandi.
Ushbu festival yoshlar va hukumatlar oʻrtasidagi muloqot uchun muhim xalqaro maydon boʻlib xizmat qiladi. Yosh ishtirokchilar barqaror rivojlanish va atrof-muhitni yaxshilashga qaratilgan innovatsion yechimlarni taqdim etadilar.
Zamin jamgʻarmasi vasiylik kengashi raisi “Raqamli yashil tashabbuslar haftasi”ning ochilish marosimida ishtirok etdi. U ishtirokchilar bilan uchrashib, ekologik loyihalar va startaplarni oʻrgandi hamda qayta ishlangan buyumlar yaratish boʻyicha seminarlarda qatnashdi.
Ziroat Mirziyoeva yosh ekologlar bilan muloqot qildi va festivalning eng yosh ishtirokchilari bilan birga “Yashil makonga” va “Bek va Lola” animatsion filmlarini tomosha qildi va kitob oʻqidi. Bu filmlar butun hafta davomida Yapon bogʻining qulay muhitida barcha tashrif buyuruvchilar uchun mavjud.
Festival toʻrtta mavzuli haftadan iborat boʻlib, 15 maydan 30 iyungacha Toshkent, Qoraqalpogʻiston Respublikasi va Samarqand viloyatida oʻtkaziladi.
Ushbu keng koʻlamli tadbirda 50 dan ortiq mamlakatlardan xalqaro tashkilotlar va yoshlar guruhlari, mutaxassislar, ekspertlar va yosh ekologlarning 300 dan ortiq vakillari ishtirok etmoqda.