Hokimiyatlar Shvetsiyaning Uppsala shahrida yuz bergan otishmadan so‘ng uch kishi hayotdan ko‘z yumganini tasdiqladi.
Mahalliy ommaviy axborot vositalariga ko‘ra, hodisa shahar markazidagi Vaksala maydoni yaqinidagi sartaroshxonada sodir bo‘lgan. Xabarlarga ko’ra, gumon qilinayotgan otuvchi hodisa joyidan skuterdagi qochib ketgan va hanuz ozodlikda.
Politsiya katta hududni to‘sib, qotillik bo‘yicha tergov boshlab yubordi.
Otishma har yili o‘tkaziladigan Valpurgis festivali arafasida yuz berdi. Ushbu festival an’anaviy tarzda Uppsala shahriga, Stokgolm shimolida joylashgan va universiteti mashhur bo‘lgan shaharga, ko‘plab odamlarni jalb qiladi.
“Hamma narsa juda tez sodir bo‘ldi, shunchaki «bang, bang, bang»,” deb esladi guvoh shved TV4 telekanaliga.
Yana bir mahalliy aholi vakili uyida ovqat tayyorlayotganida “ikki marotaba portlash ovozi, deyarli mushakday” tovushlarni yaqin ko‘chadan eshitganini aytdi.
U Shved televideniyesiga bu holatdan “hayratda va qo‘rqib qolganini” aytib, tez orada “ko‘plab politsiya va tez yordam mashinalari” kelib, hududni o‘rab olgani va odamlarni uzoqroqda turishga buyurganini ma’lum qildi.
Hozirda katta politsiya operatsiyasi olib borilmoqda va bunga vertolyot ham jalb etilgan, dedi TV4 uchun politsiya vakili Magnus Yansson Klarin.
Klarinning so‘zlariga ko‘ra, jinoyatchi qochib ketmasligi uchun atrofdagi poyezd qatnovlari vaqtincha to‘xtatildi. Hozirda qatnov odatdagidek davom etmoqda.
Politsiya, shuningdek, guvohlarni topish uchun atrofdagi uylarni aylanmoqda.
Adliya vaziri Gunnar Strömmer bu otishni TV4 ga tavsiflar ekan, “vahshiyona zo‘ravonlik harakati” deb atadi.
Shvetsiya politsiyasi o‘z saytida bayonot berar ekan, Valpurgis tantanalari oldidan “jamoatchilik xavotiri ortayotganini” tan oldi. Shu bilan birga, dastlabki belgilar hujum “yolg‘iz holda sodir bo‘lganini” va “aholi uchun xavf yo‘qligini” ko‘rsatmoqda, deyiladi bayonotda.
Jabrlanuvchilar va gumonlanuvchining shaxsi hali oshkor qilinmagan. Qotillik va to‘pponcha ishlatilgan so‘nggi voqealar ortidan aholi orasida bezovtalik kuchayib, hukumat Shvetsiyada qurolga oid qonunlarni yanada kuchaytirishga va’da berdi.
Fevral oyida, Orebro shahridagi kattalar uchun ta’lim markazida otishmada o‘n kishi halok bo‘lgan edi.