Sesh. Iyul 8th, 2025
Turkiyada oʻzbek ayoli otib oʻldirildi

Turkiyada ofitsiantka boʻlib ishlagan Oʻzbekiston fuqarosi otishma natijasida vafot etdi. Bu haqda Oʻzbekistonning Istanbuldagi Bosh konsulxonasi xabar bermoqda.

Xabarlarga koʻra, joriy yilda Aydin viloyatidagi restoranda otishma sodir boʻlgan, natijada u yerda ofitsiantka boʻlib ishlagan 35 yoshli Oʻzbekiston fuqarosi boshidan ogʻir oʻq jarohati olib, voqea joyida vafot etgan.

Jinoyatni sodir etishda gumonlangan besh nafar shaxs huquqni muhofaza qilish organlari tomonidan qoʻlga olingan. Hozirda tergov ishlari olib borilmoqda.

Bosh konsulxona va Migratsiya agentligining Turkiyadagi vakolatxonasi marhumaning jasadini vataniga qaytarish va uning qarindoshlariga zarur yordam koʻrsatish boʻyicha zarur choralarni koʻrmoqda.

Tomonidan ProfNews