Oʻzbekiston Respublikasi Prezidenti Shavkat Mirziyoyev Xonkendida boʻlib oʻtgan Iqtisodiy Hamkorlik Tashkiloti sammiti doirasida Afgʻoniston Bosh vazirining iqtisodiy masalalar boʻyicha vazifasini bajaruvchi oʻrinbosari Mulla Abdul Gʻani Baradar bilan uchrashdi, deb xabar beradi Prezident matbuot xizmati xabar beradi.
Savdo, iqtisodiyot, transport, logistika va energetika sohalarida oʻzaro manfaatli hamkorlikni yanada kengaytirishga oid dolzarb masalalar muhokama qilindi.
Tovar aylanmasining barqaror oʻsishi va qoʻshma korxonalar sonining ortishi alohida mamnuniyat bilan qayd etildi.
Biznes aloqalari faollashdi. Joriy yilning may oyida Kobul va Mozori Sharifda Oʻzbekiston savdo uylari ochildi. Iyun oyida Preferensial savdo toʻgʻrisidagi bitim imzolandi.
Oʻzbekiston rahbari chegaraoldi savdosini va unga tegishli infratuzilmani yanada rivojlantirish, konchilik, toʻqimachilik va farmatsevtika sanoati, qurilish materiallari ishlab chiqarish, qishloq xoʻjaligi mahsulotlarini qayta ishlash va boshqa sohalarda hamkorlik loyihalarini ilgari surish muhimligini taʼkidladi.
Strategik ahamiyatga ega boʻlgan mintaqaviy loyiha – Afgʻoniston temir yoʻlini qurish loyihasini amalga oshirishni jadallashtirish muhimligi taʼkidlandi.