Prezident Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan 2-iyul kuni davlat tashrifi bilan Ozarbayjonga jo‘nab ketdi. Bu haqda Prezident matbuot xizmati xabar berdi.
Boku shahrida bo‘lib o‘tadigan dasturga ko‘ra, Oliy Davlatlararo Kengashning ikkinchi yig‘ilishi va boshqa yuqori darajadagi tadbirlar o‘tkaziladi. O‘zbekiston-Ozarbayjon do‘stlik, strategik sheriklik va ittifoqlik munosabatlarini yanada mustahkamlash masalalari ko‘rib chiqiladi.
O‘zbekiston rahbari, shuningdek, Xonqandi shahrida bo‘lib o‘tadigan Iqtisodiy Hamkorlik Tashkilotining navbatdagi sammitida ham ishtirok etadi.