O‘zbekiston Respublikasi Prezidenti Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan 2-4 iyul kunlari davlat tashrifi bilan ushbu mamlakatda bo‘ladi, deb xabar beradi Prezident matbuot xizmati.
Dasturga ko‘ra, 2-3 iyul kunlari Bokuda Oliy davlatlararo kengashining ikkinchi yig‘ilishi va boshqa yuqori darajadagi tadbirlar bo‘lib o‘tadi.
O‘zbekiston-Ozarbayjon do‘stlik, strategik sheriklik va ittifoqchilik munosabatlarini yanada mustahkamlash, shuningdek, hamkorlikning ustuvor yo‘nalishlarida hamkorlik va almashinuvni kengaytirish masalalari ko‘rib chiqiladi.
4 iyul kuni O‘zbekiston Prezidenti Xonkendi shahrida Iqtisodiy hamkorlik tashkilotining 17-sammitida ishtirok etadi va bir qator ikki tomonlama uchrashuvlar o‘tkazadi.