Birlashgan Arab Amirliklari huquqni muhofaza qilish organlari tomonidan qidiruvda boʻlgan 12 nafar Oʻzbekiston fuqarosini ekstraditsiya qildi. Bu haqda Ichki ishlar vazirligi matbuot xizmati xabar berdi.
Videokonferensiya davomida O‘zbekiston va BAA Interpol Milliy markaziy byurolari jinoyatchilarni aniqlash va ekstraditsiya qilish bo‘yicha tezkor-qidiruv tadbirlarini jadallashtirish bo‘yicha ikki tomonlama hamkorlikni muhokama qildi. Turli xil jinoyatlar uchun qidiruvda bo’lgan uch nafar shaxsni ekstraditsiya qilish bo’yicha tasdiq olindi.
Abu-Dabi Interpol Milliy markaziy byurosi va Dubay politsiyasi rahbariyati bilan O‘zbekistondan kelgan va BAAda yashirinib yurgan jinoyatchi unsurlar bo‘yicha konstruktiv muhokama o‘tkazildi. Muzokaralarning dastlabki qismida arab va o‘zbek tomonlari gumonlanuvchilar va qidiruvda bo‘lgan shaxslar ro‘yxatini almashdi.
Uchrashuvning ikkinchi qismida Toshkent Interpol Milliy markaziy byurosi xodimlari 12 nafar qidiruvda bo‘lgan jinoyatchini ekstraditsiya qilish va ularni mamlakat sud organlari oldiga olib kelish maqsadida O‘zbekistonga ekstraditsiya jarayonini amalga oshirish bo‘yicha kelishuvga erishdi.