Eron Neft vazirligi maʼlumot berishicha, Isroil tomonidan Eron hududiga o‘tkazilgan havo hujumidan so‘ng, Tehronning shimoli-g‘arbiy qismidagi neft omborida va janubdagi yoqilg‘i omborida portlashlar yuz berdi.
Xabarlarga ko‘ra, voqea joylariga darhol yong‘in o‘chiruvchilar va favqulodda vaziyatlarga qarshi kurash xizmati xodimlari yuborilgan.
13-iyun kuni Isroil Eron hududiga havo hujumlarini amalga oshirdi. Ushbu hujumlar natijasida ko‘plab yuqori martabali harbiy amaldorlar, jumladan, Bosh shtab rahbari Muhammad Husayn Baqeri va Islom inqilobiy qo‘riqchilar korpusi (IRGC) aʼzolaridan iborat guruh halok bo‘ldi. Halok bo‘lganlar orasida IRGC qo‘mondoni Husayn Salomi, Xatam al-Anbiya shtab rahbari G‘olomalir Rashid, olti yadro olimi va boshqalar bor.