Hindistonda yoʻlovchi samolyotining halokatga uchrashi haqidagi xabarlardan soʻng, Oʻzbekiston Tashqi ishlar vazirligi bayonot berdi.
Vazirlik halokatga uchragan reysda Oʻzbekiston fuqarolari boʻlmaganini tasdiqladi.
“Hindistonda sodir boʻlgan samolyot halokati xabari bizni chuqur qaygʻuga soldi. Ushbu fojia qurbonlarining oilalari va yaqinlariga samimiy hamdardligimizni bildiramiz. Dastlabki maʼlumotlarga koʻra, ushbu reysda Oʻzbekiston fuqarolari boʻlmagan”, deyiladi bayonotda.
Hozirda yoʻlovchilar va ekipaj aʼzolari orasida tirik qolganlar yoʻqligi tasdiqlandi.