Qozogʻistonning Qaragʻanda viloyatida Ostona shahridan Chimkentga ketayotgan avtobus yonib ketdi. Favqulodda vaziyatlar vazirligining xabariga koʻra, yoʻlovchilar orasida 5 nafar Oʻzbekiston fuqarosi boʻlgan.
Hodisa 4-iyun kuni Ostona-Qaragʻanda-Olmaota avtomagistralining 960-kilometridagi joyda sodir boʻlgan.
Dvigatel boʻlimining yonishi oʻt oʻchiruvchilar yetib kelishidan oldin oʻchirilgan.
Qutqaruv xizmatining tezkor harakatlari natijasida barcha yoʻlovchilar xavfsiz evakuatsiya qilingan va keyinchalik yoʻl chetidagi lagerga olib borilib, zarur yordam koʻrsatilgan.
Avtobusda 9 nafar bolani ham oʻz ichiga olgan 34 nafar yoʻlovchi boʻlgan. Yoʻlovchilarning 5 nafari Oʻzbekiston fuqarolari edi. Jabrlanganlar haqida xabar yoʻq.