Prezident matbuot kotibi Sherzod Asadovning xabar berishicha, Prezident Shavkat Mirziyoyev Janubiy Koreya Respublikasining saylangan prezidenti Li Jae-myungni saylov bilan tabrikladi va unga ezgu tilaklarini bildirdi. Manba
Oʻzbekiston davlat rahbari oʻz xatida Janubiy Koreya Respublikasining intellektual va iqtisodiy salohiyatining yanada oʻsishiga va prezident Li rahbarligida uning xalqaro mavqeyining mustahkamlanishiga ishonchini bildirdi.
“Biz Janubiy Koreya Respublikasi bilan doʻstona va har tomonlama munosabatlarimizni yangi bosqichga koʻtarishga alohida ahamiyat beramiz. Sizning prezidentligingiz davrida maxsus strategik sherikligimiz barcha ustuvor yoʻnalishlarda dinamik rivojlanishiga ishonaman”, deb yozilgan xatda.
Prezident Mirziyoyev shuningdek, prezident Li Jae-myungni ikki mamlakat oʻrtasidagi koʻp qirrali va uzoq muddatli aloqalarni yanada mustahkamlash maqsadida qulay vaqtda Oʻzbekistonga rasmiy tashrif buyurishga taklif qildi.
Janubiy Koreyada prezidentlik saylovi 3-iyun kuni boʻlib oʻtdi. Muxolifat liberal Demokratik “Birga” partiyasidan nomzod Li Jae-myung ovozlarning 49,2 foizini qoʻlga kiritib, gʻalaba qozondi. Manba